விதிமுறைகள் (Terms of Use)

RankMock பயன்பாட்டு விதிமுறைகள் (Terms of Use)

கடைசியாக புதுப்பிக்கப்பட்டது: 28.10.2026

நடைமுறைக்கு வந்த நாள்: 27.10.2026 · கடைசியாகப் புதுப்பிக்கப்பட்டது: 28.10.2026

RankMock இணையதளத்தில் உள்ள TNPSC குரூப் 4 தேர்வுத் தகவல்களையும் மாதிரித் தேர்வுகளையும் பயன்படுத்துவதன் மூலம் கீழே உள்ள விதிமுறைகளை ஏற்கிறீர்கள். RankMock-ஐ நிறுவி நடத்துபவர் M.Ameer; இது இந்தியாவில் தனிநபரால் நடத்தப்படும் தளம்.

RankMock என்பது என்ன — என்ன அல்ல

• RankMock என்பது TNPSC தேர்வர்களுக்கான தனியார் மாதிரித் தேர்வு மற்றும் பயிற்சித் தளம்.
• RankMock-க்கும் தமிழ்நாடு அரசுப் பணியாளர் தேர்வாணையத்துக்கும் (TNPSC) எந்தத் தொடர்பும் இல்லை. RankMock விண்ணப்பங்களைப் பெறுவதில்லை.
• இத்தளத்தில் உள்ள தேர்வுத் தகவல்கள் TNPSC அதிகாரப்பூர்வ அறிவிப்பின் (தற்போது: 06.10.2026 நாளிட்ட அறிவிப்பு எண் 11/2026) எளிய சுருக்கம் மட்டுமே; முரண்பாடு இருப்பின் www.tnpsc.gov.in தளத்தில் உள்ள அதிகாரப்பூர்வ அறிவிப்பே இறுதியானது. அறிவிப்பின் தமிழ், ஆங்கிலப் பதிப்புகளுக்கிடையே வேறுபாடு இருப்பின், பத்தி 6.5-ன்படி ஆங்கிலப் பதிப்பே இறுதியானது.

பயனர் கணக்கு (User Account)

• மாதிரித் தேர்வு எழுத Gmail கணக்கு அல்லது மின்னஞ்சலுக்கு வரும் 6 இலக்கக் குறியீடு மூலம் உள்நுழைய வேண்டும். முதல் முறை உள்நுழையும்போது கணக்கு தானாக உருவாகும்.
• கணக்கு உருவாக்க 18 வயது நிறைவடைந்திருக்க வேண்டும் (TNPSC குரூப் 4 பதவிகளுக்கான குறைந்தபட்ச வயதும் 18 — அறிவிப்பு எண் 11/2026, பத்தி 4.1).
• ஒருவருக்கு ஒரு கணக்கு மட்டுமே அனுமதிக்கப்படும். உங்கள் உள்நுழைவுக் குறியீட்டை (OTP) யாருடனும் பகிர வேண்டாம்; உங்கள் கணக்கில் நடக்கும் செயல்களுக்கு நீங்களே பொறுப்பு.
• உங்கள் கணக்கை எப்போது வேண்டுமானாலும் நீக்கக் கோரலாம் — தனியுரிமைக் கொள்கை பார்க்கவும்.

இலவச முன்னோட்டம் (Free Pilot)

• முன்னோட்டக் காலத்தில் (Pilot Period) மாதிரித் தேர்வுகள் கட்டணமின்றி வழங்கப்படுகின்றன. தற்போது பகுதி அ (பொதுத் தமிழ்) பயிற்சித் தேர்வுகள் மட்டும் திறந்துள்ளன; அவற்றுக்குத் தரவரிசை இல்லை.
• ஒரு தேர்வுக்கு ஒரு முயற்சி: ஒவ்வொரு தேர்வையும் ஒருமுறை மட்டுமே எழுத முடியும். தொடங்கியதும் நேரம் ஓடத் தொடங்கும்; நேரம் முடிந்தால், அதுவரை சேமிக்கப்பட்ட விடைகள் தானாகச் சமர்ப்பிக்கப்படும்.
• முன்னோட்டக் காலத்தில் தளத்தின் வசதிகள், தேர்வுச் சாளரங்கள் (Test Windows), கால அட்டவணை ஆகியவை தேவைக்கேற்ப மாறலாம்.
• கட்டணத் திட்டங்கள் அறிமுகமானால், விலையும் விதிமுறைகளும் முன்கூட்டியே வெளியிடப்படும். நீங்கள் தேர்வு செய்யாமல் எந்தக் கட்டணமும் வசூலிக்கப்படாது.

நியாயமான பயன்பாடு

அனைவருக்கும் நியாயமான தரவரிசை கிடைக்க, கீழ்க்கண்டவை அனுமதிக்கப்படாது:

• தானியங்கி மென்பொருள் (Bot, Script) மூலம் தேர்வு எழுதுதல் அல்லது இத்தளத்தை அணுகுதல்.
• தரவரிசையை மாற்றும் நோக்கில் பல கணக்குகள் உருவாக்குதல் அல்லது பிறர் சார்பாகத் தேர்வு எழுதுதல்.
• தேர்வுச் சாளரம் நடக்கும்போது வினாக்களையோ விடைகளையோ பகிர்தல்.
• RankMock வினாக்கள், விளக்கங்களை நகலெடுத்து வேறு இடங்களில் வெளியிடுதல் அல்லது விற்பனை செய்தல்.
• இத்தளத்தின் பாதுகாப்பைச் சோதிக்க அல்லது சேவையைத் தடுக்க முயற்சித்தல் (பாதுகாப்புக் குறைபாடு கண்டால் security@rankmock.com முகவரிக்குத் தெரிவிக்கவும்).

விதிமீறல் கண்டறியப்பட்டால், அந்த முயற்சி தரவரிசையிலிருந்து நீக்கப்படலாம்; கணக்கு இடைநிறுத்தப்படலாம்.

மதிப்பெண் மற்றும் தரவரிசை (Score & Rank)

• மதிப்பெண்கள் அனைத்தும் RankMock சர்வரில் (Server) கணக்கிடப்படுகின்றன: சரியான விடைக்கு 1.5, தவறான விடைக்கும் [E]-க்கும் 0. ஒரு வினா அல்லது அதற்கு மேல் காலியாக விடப்பட்டால், மொத்தத்திலிருந்து ஒருமுறை மட்டும் 0.5 குறைக்கப்படும் — TNPSC அறிவிப்பின் பத்தி 1.10.2.2-க்கு RankMock கொண்டுள்ள விளக்கம் (விவரம்). அனைத்து வினாக்களும் காலியாக இருந்தால் விடைத்தாள் செல்லாதது (பத்தி 1.10.1.16).
• தரவரிசை அறிமுகமான பின்: RankMock தரவரிசை, அதே தேர்வுச் சாளரத்தில் பங்கேற்ற தகுதியுள்ள RankMock பங்கேற்பாளர்களிடையே மட்டுமே கணக்கிடப்படும். அது அதிகாரப்பூர்வ TNPSC தரவரிசையோ, தேர்வு முடிவோ, கட்-ஆஃப் கணிப்போ அல்ல. விவரம்: RankMock தரவரிசை விளக்கம்.
• வெளியிட்ட பின் ஒரு வினாவில் பிழை கண்டறியப்பட்டால், அந்த வினா திருத்தப்படும் அல்லது நீக்கப்படும்; அந்தத் தேர்வின் மதிப்பெண்களும் (தரவரிசை இருப்பின் அதுவும்) மீண்டும் கணக்கிடப்படும்.
• TNPSC முந்தைய ஆண்டு வினாத்தாள்களில், TNPSC இறுதி விடைக்குறிப்பு அனைவருக்கும் மதிப்பெண் வழங்கிய வினாக்கள் மதிப்பெண் கணக்கில் சேர்க்கப்படுவதில்லை; ஒன்றுக்கு மேற்பட்ட விடைகளை ஏற்ற வினாக்களில், அவற்றில் எதைக் குறித்தாலும் சரி.

உள்ளடக்க உரிமை

RankMock எழுதிய வினாக்கள், விளக்கங்கள், பக்க வடிவமைப்பு மற்றும் மென்பொருள் RankMock-க்கு உரியவை. உங்கள் சொந்தப் படிப்புக்காக அவற்றைப் பயன்படுத்தலாம். TNPSC அறிவிப்பு, TNPSC வெளியிட்ட ஆவணங்கள் மற்றும் முந்தைய ஆண்டு வினாக்கள் TNPSC-க்கு உரியவை; பயிற்சிக்காக, ஆண்டு மற்றும் வினா எண் குறிப்புடன் இங்கு வழங்கப்படுகின்றன. உரிமையாளர் கோரினால் அவை நீக்கப்படும் — support@rankmock.com.

உத்தரவாதம் மற்றும் பொறுப்பு வரம்பு

• தகவல்களைத் துல்லியமாக வழங்க முழு முயற்சி செய்கிறோம்; இருப்பினும் இத்தளத்தின் சேவைகள் “உள்ளது உள்ளபடி” (As-is) வழங்கப்படுகின்றன. தேர்வுக்கு விண்ணப்பிப்பது போன்ற முக்கிய முடிவுகளுக்கு முன் அதிகாரப்பூர்வ TNPSC அறிவிப்பைச் சரிபார்க்கவும்.
• RankMock-ல் பெறும் மதிப்பெண் அல்லது தரவரிசை, TNPSC தேர்வில் தேர்ச்சியையோ பணி நியமனத்தையோ உறுதி செய்யாது.
• பராமரிப்பு அல்லது தொழில்நுட்பக் காரணங்களால் சேவை சில நேரம் கிடைக்காமல் போகலாம்.

மாற்றங்கள் மற்றும் சட்டம்

இந்த விதிமுறைகள் புதுப்பிக்கப்பட்டால், புதிய தேதியுடன் இப்பக்கத்தில் வெளியிடப்படும்; முக்கிய மாற்றங்கள் கணக்கு வைத்திருப்பவர்களுக்கு மின்னஞ்சலில் தெரிவிக்கப்படும். இந்த விதிமுறைகள் இந்தியச் சட்டங்களுக்கு உட்பட்டவை. இவ்விதிமுறைகள் குறித்த கேள்விகளுக்கு support@rankmock.com முகவரிக்கு எழுதலாம்.